You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 I 295r.jpg

From Wiktenauer
Revision as of 01:21, 31 December 2013 by Michael Chidester (talk | contribs)
Jump to navigation Jump to search
This page has been proofread, but needs to be validated.

Alia forma

Si quis sinistram manum manu item sua sinistra corripieret, atque cubitum sustulerit mirum in modum, caput tu statim transmittas, nec non inde brachium dextrum ipsius sinistris costis[1] iniicias. Tum si dextrum pedem hostis itidem dextro postposueris, per dextram coxam eum praecipitabis.

Aliud luctae genus

Quum quispiam brachia tua corripuerit atque tu ipsius vicissim et si is leviter te contineat, tum brachium ipsius sinistrum manu tua dextra super excutito deorsum demittendo, atque inde manu dextra poplitem medis sinistri hostilis corripito externe atque attrahas, sinistra deinde manu si pectus de latere sinistro concusseris, hostis concidere cogetur.

Destructio antecedentis

Si quis pectus tuum manu sinsitra anterius adprehenderit tu manum adversarii laeva itidem tua corripito atque inde circumflectas eam dextra autem ei pondus auferas, id est cubitum laevum pro viribus sursum propellas.

  1. ↑ Ribs.
Retrieved from "https://wiktenauer.com/index.php?title=Page:Cod.icon._393_I_295r.jpg&oldid=53781"