Page:Ms.XIX.17-3 01v.png

Jung man nu lern
got liebhãn vñ frawe~ eren
red frawen woll
vnd biß manlich da mã soll
hüt dich võ lügen
vnd vor schamlichen krüge~
setz din syn vff erlich sach
vnd gedenck nach ritte~ schafft
mit freiden üben
stain werffen vñ stang schüben
tantzen vnd springen
fechtten vnd rÿngen
stechen vnd turniere~
schönen frawe~ hofiere~
ainß schimpff sande~ schertz
fechtten wil haben ain h°tz
Jung man erschrickst du gern
so soltu nit fechtte~ lernen
Es wer v°lore~ kunst
wen võ dem schlag de~ dãnst
vnd die grossen straich
machñt ain zag h°tz bald waich

Nu~ hab ain manß mu°t
gen dem der dir vnrechtt tu°t
wiltu mit eren beliben
so soltu die warheit nit v°triben
hüt dich vor den bösen
die trw¨ nit kündent lösen
haust du das recht v°numen
so gesell dich zu° den frumen
wen man dir rãt wil geben
so soltuß mercken gar eben
sol machst du v°stãn dabÿ
ob es dir gu°t oder schad sÿ
Also redt der talhoffer
Nu~ merck vff die rechtu mer
du solt dich ga° woll besÿnne~
wer du wilt fechtten oder rÿnge~
vnd merck vff des fechtes trw¨
der sÿtt de~ ist nit nw¨
getrw nit ÿederman
vnd stand vast als der ber
das du nit schliffest hin vnd her

Daruff so mercke vnd bruch all din stercke
als in der rechtte wage nach gu°tter kunst so frage
vnd sich dein bu°ch gar eben an so vindst du eß gemalet võ dir stãn

Hie will lw¨told von küngs egg lernen zu° dem Ernst von dem Talhofer Got erlauß unß aller schwer