ALIA INSISTENTIAE EFFIGIES EX LATERE DEXTRO
Quum dextrum praeposueris, eoque insistas, ensem tuum pro pectore contineas atque mucronem in faciem adversarii extendas, tum tuo pede dextro progredi memineris, in defensionem sev ensis adversarii exceptionem te cancellatis braciis praeparabis, dextro igitur insequutus, ferias superne dextrum latus eius. Sin autem tibi hoc pacto obvius fit, dextrum pedem anteriorem cum tu posueris, et ensem ex latere manibus porrectis in medium adversarium direxeris, tum laevo tuo progredere, atque contineas capulum pro capite tuo, ita ut mucro retrorsum vergat cancellatis Brachiis dextrum eius latus petas: si id exciperit, tum insistas versum latus eius sinistrum acie brevi, subitoque interim ensem surrige in rosa, contra adversarium in ense ipsius, et utere transversario brachiis in formam crucis dispositis, petita parte capitis eius dextra.
