You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 I 076r.jpg

From Wiktenauer
Revision as of 02:50, 4 January 2014 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

QUINTI HABITUS CERTAMINIS EX ENSE LONGO

Hunc in modum te praeparabis: sin pedem sinistrum praeposueris, atque ensem retro collum tuum tenueris ita, ut mucro versus adversarium sit directus, dextro consequitor, dextram iuxta sinistram in ensem medium collocabis, et eo habitu nodum ensis tui versus collum adversarii impellito. Et si id ab adversario fieri animadverteris, sinistro innitens tum sursum dirige in coronam, atque inter manum utramque tuam gladio tuo, eius excipito impulsum dextro consequutus, nodum ensis tui retro adversarii collum collocato, eoque modo in latus tuum dextrum vellito. Sin idem adversarius contra te usurparit, tum rursus manu dextra apprehendes capulum ensis tui, etsi pedem dextrum pedi tuo sinistro postposueris, te liberabis ne vellaris, interimque eo habitu brachium utrumque eius perstringes incidendo. Ceterum , si incisionem ab adversario fieri eo pacto intellexeris, eam coronae habitu avertes, subitouque mucronem in adversarii faciem impellito.

Retrieved from "https://wiktenauer.com/index.php?title=Page:Cod.icon._393_I_076r.jpg&oldid=55537"