EX ARATRO HABITUS SEU CASTRA ADVERSUS ICTUM SUPERUM
Dextrum praepones, ensem contineas per latitudinem, porrecto versus humum mucrone, et si ictum feriat supernum contra te, tum sinistro procedes, atque cancellatis manibus ictum avertito acie longa praemissa, versus faciem adversarii mucronem ex latere eius sinistro, sin converteris in mucronem propendente inflectes. Cum autem is modo fuerit eidem usus contra te, prefigentem dextrum, tum pedem sinistro in latus eius sinistrum prosilias, atque punctionem avertito, et dextro in latus adversarii dextrim procedito, feriasque celeriter versus caput ipsius superne. Excipiente id adversarium duplicem ictum eum mucrone arripito, et ense tuo proximam nuditatem pulsabis. Cum veri adversarius idem usurpabit, dextro crure insequutus inclinabis et inflectes versus ipsius ictum: hac itaque ratione ictus hostis est aversus, interim autem subito brachiis cancellatis versus partem adversarii capitis dextram ferito.
