You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 I 093v.jpg

From Wiktenauer
Revision as of 04:05, 7 January 2014 by Michael Chidester (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

capulo in forma bovis pro facie tua constituto, alterum pedem si dextro adiunxeris, faciem inde vel pectus adversarii pungas, idque ex Aratro de latere sinistro facias.

DE TRANSMUTATIONIS VEL TRANSMISSIONIS USU

Varii habitus Transmutationis et usus sunt, quibus uti poteris contra gladiatores ex omnibus ictibus, qui feriunt contra enses potius, quam nuditates, iis igitur uti addisces prudenter, ne dum Transmutatione tu uteris, hostis mucrone te appetat. Transmutationem hac ratione exercebis. Cum ad hostem processeris, superne contra ipsum porrectim ferias caput adpetendo, verum si is contra feriat, ensem et non corpus appetens, tunc mucronem inferne transmittas, priusquam ensem tuum adversarius contingat, versusque latus alterum pungas, at si id fieri observarit hostis, et removere impetum conabitur, rursum memineris ensem transmittere versus alterum latus eum igitur habitum toties exercebis, quoties adversarius tuendoque ensis suo obviarit utrinque.

ALIA EIUSDEM FORMA

Quum ad adversarium processeris, sinistrum pedem praefigas, mucronem longiorem contra faciem ipsius convertas, et si is superne vel inferne feriundo ensem tuum adpetierit, atque excutere eum conetur, mucrone inclinato deorsum nec non versus alterum latus pungas et hoc exerceas contra omnes ictus.

Etiam id observes, cum adversarius impetum exceperit, vel ensem tuum in primo conflictu contigerit et si sui ensis mucronem non versus corporis tui nuditatem converterit, verum

Retrieved from "https://wiktenauer.com/index.php?title=Page:Cod.icon._393_I_093v.jpg&oldid=55948"