Page:MS Thott.290.2º 002r.jpg

Hie lert der talhofer ain gemaine ler in dem langen Schwert von der zetel etc.

Wiltu kunst schowen
So vicht gelingg ^gen recht mit howen
und lingt gen Rechten
Ist daz du starck wilt fechten
wer nach gaut slechten höwen
Der tarff sich kunst wenig fröwen
How nahnt waß du wilt
lauß kain wechsel an din schilt
zu dem koppf und zu dem lib
Die zick ruorn ouch nit vermyd
Nun ficht wyt mit gantzen liben
waß du starck wollest triben
Nun merck aber furbaß
und verstand ouch gar rechte daz
ficht nit obnen lingg so recht bist
far nach zwayen ding
sind aller kunst ain ursprung
Din schwöch und din sterck
Din arbait darby eben merck
So machstu lern
Mit fechten dich erwern
wer also erschricket gern
Der sol kain fechten nymen lern
Der höw sind fünff und haissent funff focal
Die lern recht und mercks fürwär
und dar von komet unß der rechte grund
Daz ist lützeln fechtern kund