Page:MS Thott.290.2º 148r.jpg

Der obrost und der höchste in den himeln, und doch der trägost an sinem louff. und derumb so habent ettliche menschen ain tail ir Complexion von Im und sind sanguini und flegmatici, und die sind ameß hohen muotes und sahent vil sachen an und erkünden, noch mügen kein sache ußtrag geben, und wenn sich satturnus zu denen vermischet, die da sind sangwiny, daz machstu darby erkennen, so machet dem sangwiniß ain langß antlüt, und dem flegmaticuß ain sinvels anttlüt. Es ist ouch zu wissn alß vorgesait ist, daz sich dieselben lüte vil sachen under widen und doch keinen usstrag gebent, und sind och hohtrahent und ubermütig lüte und bedunckett sie daz in nyemant gelich sy und vermügent doch nutz für sich selber, und sind arm an zytlichem guote, und die sangwini sind mit ainem langen bartte ader antlüt und tund nit gern gotzdinst, aber die flegmatici sind göttlich an in selber und furdern gern gotzdinst, und darumb so vahent die maister kain ding an zubuwen an den stunden so satturnus rengnirt, dann sie vermamen eß werd kumlichen volbracht, dann ob eß in ainem andern zu angeh aben nemde. Satturnus und sine kind sind gewonlichw rouber und morder und wenn we rengnirt, so ist vynd in alle wege der natture und staub gen Orient und ist ain planet bosser lüte und untugenhaffter, die schwartz und mager sind und türe und ist ain planete, der mannen die nit berte habent und wyß hare, und die ire claider unsuber tragent die kind.