mit deinem fu°eß wolhin umb und nim dein meßer auf die rechten achsel und reib Im sein arm auf sein meßer und achsel nider puckh dich fur sich an so zwirchstu im und schndeiden in im dem arm auf deiner rechten achsel.
Im messer nemmen.
29. Item Schlach ein oberhau mit im von der rechten seitten ein drit mit den rechten fu°es hinumb und schlag nahent in sein gehiltz seiner meßers in dz so greif mit der linckhen hand reib Ir mit dem meßers an ainander ligendt inwendig Im den un sein rechtn seitten in dz schlaf in mit der linckhen hand in dz glauch seiner rechten hand, so nimbstu im sein meßer.
30. Item wann du dich von der rechten seitten auf und abhauest und du laufst auf in mit dem kurtzen ort und wilst im durchgon auf sein rechten seitten, so yamit durch und bleib mit an dem ort und tritt mit dem rechten fues nach wol beseitz unnd zwirch in dz der ort an dich und laß im neben der linckhen achsel herumb zwey und schlag In durch dem kopf oder yber den arm wie du waist.
Eber.
31. Item neom du stehst in oberer auf die rechten seitten und einer haut auff dich so schrit im den Pogen von der Rechten seitten und versetz also mit in dem greif mit der linckhen hand auf deiner meßers ruckhent nachent pey der hand und trit mit dem rechten fues für und kam im in den hals, kopf oder arm.
