Page:Cod.Guelf.38.21 Aug.2º 005r.jpg

Pogen.

32. Item Wann du dem pogen von der rechten hand gehaben hast wie vor so reit mit deinem linckhen fuess bald Zu im nim, und greif mit dem linckhen arm yber sein rechten inwendig und fall waß und haw in durch dz maul oder stich in dem oder arbait was du wilt.

33. Item hastu den bogen geschlog wie vor in dem greif mit deiner linckhen sein rechten hannd und rhur sam du im durchs maul wolest hauen, und Im haw ker dich hinumb auf sein Rechten seitten das dein ??? gegen Im ser In dem laß dein meßer auff deinm linckhen achsel fallen daß die schneid oben sey und druckh vor vaß nider so bricht im den arm.

Von Schaiden.

34. Item wenn du von schaiden zuhast und ein hauen will so hau ein freien mittel hau er wirff oder nit so laß dein hau alwegen durchgen und tritt mit dem linckhen fu°eß gegen dem man und so du den mittelhau gelhan fast in dem so hau ein freien langen hau auff von den linckh oder rechten in dem so arbait was du wilt.

35. Item wan du zuckhst ein freien under hau gegen dem man, und trit nit, so vor auff In die huet das stiers und bleib also sten haut oder sticht er nach dir so wind in daz dein meßer an dz sein und dritt mit dem rechten fu°eß für unnd straicht In dem lang ort in angsicht oder halz in die schneid in sein hand so haut e rim die hand selbs ab an dem meßer.

36. Item so die einer den pogen straicht und setzet mit dein schlag inwendig darauf in dem so du an dz meßer klitzen so schlag im Innwendig nach die hand oder arm in ein wennig beseitz mit dem rechten fu°eß