Page:Cod.10825 188r.png

Zwen ober Schnit mit Iren abnemen.

Item schick dich also in dises stu°ck, Wann Ir zu°samen gond, Stand mit deinem rechten fu°ß vor, vnd halt dein Sichel mit gestracktem arm in der ho°ch gegen dem Mann, In des schneid Im behend nach seinem hau°bt, Schneidt er dir also oben zu°, vnd du° au°ch mit deinem rechten fu°ß gegen Im steest, vnd heltst dein Sichel au°ch in deiner rechten hand gegen dem Mann, in ainem obern schnit, so far Im mit deiner linggen hand au°ßwendig in seinen rechten elnbogen, scheu°b den damit wol u°bersich, so nimbst du° Im seinen obern schnit hinwegk, In des schneid Im nach seinem rechten arm, wol oben bey° der hand, Schneidt er dir also zu°, So setz Im mit deiner linggen hand zwische~ seinen baiden armen an sein bru°st seiner rechten seiten, scheu°b In damit von dir, so bist du° seines schnits ledig, In dem zu°ck dein rechte hand behend von seiner lingke~, vnd schneid Im nach seinem rechten arm, trit damit von Im zu°ru°gk.