Page:Cod.icon. 393 II 004v.jpg

Duæ aliæ interiores aversiones unde infringendorum brachiorum habitus formant^ur.

Dextrum pedem, Si ad hostem propius acceſseris, pręponas. Et ſi is viciſsim dextro innitens contra te conſtiterit, pariq[ue] labore ſeu pugna tecum concertet, nec no[n] pugiones invice[m] contigeritus interius, pugione tuo quantum poteris celerrime retracto, infernèq[ue] circu[m]voluto, dextru[m] eius brachiu[m] exterius pungito. Sed ſi hoſtis eadem ratione te adgredi conetur, pugione impoſito brachio, eius impetu[m] avertere no[n] dubites, verum confestim ſupernè eius viſu[m] pungere conaberis. Sin eu[m] conatu[m] repellere tentarit, pugione ſupernè arrepto, inq[ue] punctione[m]* ſuperna[m] aptato, infernè latus hostis dextru[m] figito. Cæterum adverſarius cu[m] gemina punctione contra te utatur, pugionem eius manui pugione[m] tenenti adiungito, manuq[ue] ſiniſtra mucrone[m] anteriore[m] adpręhendito. Sed ſi te co[n]simili modo corripuerit, volveritq[ue] pugione[m] manibus tuis extorquere, eu[m] hosti permittas, veru[m] dextra manu, adverſarij dextra anterius correpta, ſiniſtra vero eius brachij parte[m] ſ[e]c[un]d[u]m* cubitu[m] dextru[m], et ſi pede[m] ſiniſtru[m], eius dextro poſtpoſueris, atq[ue] abs te brachiu[m] eius averteris ſupernè, infern è attraxeris, brachium adversarij confringes.