Jung man, nun lern
Got lieb han vnd frawn ern
Red frawn wol
vnd pysz manlich, dan man sol.
Hut dich vor lugen
vnd vorschamlichen krugen (trugen).
Seez dein syn auff erlich sach,
vnd gedenckh nach ritterschaft
Mit frowden yben
stainwerffen vnd stain schüben
Tanczen vnd springen,
Fechten vnd ringen,
Stechen vnd turnyrn,
Schön frawn hofiren.
Ains schympf sander scherez.
Fechten wil haben ain herez :
Junhk man erschrickstu gern,
So soltu nit fechten lern.
Es wird verloren kunst,
Wen von dem schlag der dunst
vnd die grossen straich
Machen einzag herez pald waich.
Dar auff merck
Vnd prauch all dein sterck,
Als in der rechten wag ;
Nach guter kunst so frag,
Vnd sich dein buch gar eben an,
So finstu es gmalen vor da stan.
Nun hab ains mans mut
Gen dem, der da vnrecht thut.
Wiltu mit eren beleyben,
So soltu di warhayt treyben.
Hut dich vor dem bösen
Die treu nit kunden lösen.
Hastu das recht vernumen,
So gesel dich zu den frumen.
Wen man dir rat wil geven,
so soltusz mercken gar eben ;
So magst du verstan do pey,
Ob es dir gut oder schad sey.
Also red der talhoffer.
Nun merckh auff die rechte mer :
Du solt dich gar wol besynen,
Wan du wilt fechten oder ringen,
Vnd merckh auf des vechtens treu,
Da sy dir ist nu neu.
Getraw nit yder man,
vnd stand fast alsz der perr
Das du nit schlipfest hin vnd her.
Nu wil Lwtold von Kungksegg lernen zu den Ernst von dem talhoffer. Got erlasz unsz aller schwer.
