Page:MS Dresd.C.93 018v.png

Ermanůng vnd erzelůng ainnes Fechters gemůet · vnnd mit was aigenschafft er sein soll etc volgt hernach

Wer sich Inn die Ritterlich Kůnst der Fechtereÿ begeben will · es seÿ In was wehren · es seÿ · aůch Im Ringen · kempffen zů Rỏß oder zů fůoß · der můoß dise art oder aigenschafft an Im haben · namlich · so er die stůckh treiben will · so soll er mit vier dingen begabt sein · namlich starckh wie ain vnůerzagter leo · Scharpffsichtig wie ain Adler · Schnell wie ain Lůchs · vnnd listig wie ain Fůchs · Wa nůn ainer dise oberzelte art an Im hette · wirt er nit leichtlich ^{betrogen · vnd seinen vortail aůch nit leichtlich} ÿbergeben · dann darmit mag er sein mandlichait mit der Ritterlichen kůnst zů seinnem lob erzaigen · vnnd erlanngen · Wa aber ainner diser ding kains an Im hette · so wůrd er nit vil nůtz oder Ehr erlanngen · sůnder nůr grossen schaden empfahen mitsampt dem spot vnnd schanden ·

Nůn volgen die stůckh · vnnd das Schwert am ersten hernacher ·