Von den dreÿ Wagen
Dreÿ ding seind Inn allem Fechten vnnd Ringen · aůch Im kampff zů Roß vnnd zů fůoß · Inn gůter acht zů haben Namlich der dreÿ wagen · der Obern · mitlen · vnnd vnndern wag · das ist · so dů hoch mit baiden Schenncklen zůsamen aůffrecht In der höche stäst · das haist die Oberwag · Stastů aber mittelmessig nider · das haist die mitel wag · stastů aber nider · das haist die vnnder wag · Diser leer můstů aber aůch bericht sein · damit dů wissest was die wag seÿ oder wie man sich darein schicken soll ·
Die sechs Schweche~
Es sennd Sechs Schwechen an ainem Jeden Mentschen · das soll ain Jeder Fechter Inn gůter Übůng vnnd gedechtnůß haben vnnd wissen · Namlich ist ain
