Page:Cod.44.A.8 010r.jpg

Junck ritter lere Got lieb haben frawen Jü ere So wechst dein ere vbe° ritterschafft vnd lere kunst die dich zÿret vnd in kriegen zu° eren hofieret Ringe~s gu°t fesser glefen sper swert vnd messer Mandleich bederbñ vnd In anderñ henden verderben Haw drein vnd hürtt dar Rausch hin trif oder la faren Das in die weysen hassen die man sicht preÿsen Dar auff dich fasse Alle ku~st haben leng vnd masse

Das ist ein gemaine ler des langen swertz das In vil gutter kunst begriffen ist

Text

wiltu kunst schauen Sich linck gen vnd recht mit hauen vnd linck mit rechten Ist das du starck gerest vechten

Glosa Merck das ist die erst kunst des langenn swertz Das du vor allen dingen die häw solt lernen gerecht hawen ist das du anders starck vechten wilt vnd das ver nÿm also wenn dw mit dem lincken fues vor stest vnd haust vor deiner rechten seittñ volgstu dann dem haw nicht nach mit deinem zu° trit deins rechten fuess So ist der haw valsch vnd vngerecht wenn dein rechte seitt die pleibt da hinden dar vmb wirt der haw zu° kurtz vnd mag seinen rechten gangk zu° der anderñ seitten vor dem lincken fuess vndersich nicht gehaben Oder Stestu mit dem rechten fuess vor vnd haust von der lincken