ffünff häw lere von der rechten hant wer die were dem wir geloben In kunstñ gerñ zu° lonen
Glosa Merck es sind fünff verporgen häw do vil maister des swertz nichtz von wissen zu° sagen die soltu von der rechten seitten recht lernen hawen wellich vechter dir denn die haw mit rechter kunst an schaden prechen kan dem wirt gelobt von anderñ maisterñ das ym seiner kunst pas gelont sol werden denn einem andern vechter vnd wie man die häw mit irñ stucken hawen sol das wirt dir hernach vor klert warden
Das ist der text vnd die glos von stucken der zedel
Zorñ häw krumpp twer hat schiler mit schaitlar Alber vorsetzt Nachraisen vberlauff haw setzt Durchwechsel zuck durchlauf abschneid hende druck heng wind mit plössen Slach vach streich stich mit stössen ~
Glosa Merck hie werdent dir genant die rechten hauppt stuck der zedel des langen swertz wie sie haissen iglichs besunder mit seine~ namen dar vmb das du sÿ dester pas erkennen vñ vorsten kündest Das erst das sind die fünff häw wie die besunder genant sein Item Der erst haist der zorenhaw Item der ander der kru~p haw Item Der dritt der twer haw Item der vierd der schilhaw Item Der fünfft der schaitel haw Nu merck die stuck
