☞ Das erst das sein die vier hu°tten ~ Item Das ander die vier vorsetzñ Item Das dritt die nachreisen Item das vierd überlauffen Item Das funft die absetzñ Item das sechst ist das durch wechselñ Item Das sibent ist das zucken Item das acht das durch lauffen Item {{r!|u=1|Da}s newnt das ab schneiden Item das zehent ist das hent drucken Item Das ainlifft das sind die hengen Item das tzwelifft das sind die winden Vnd was du aus den stucken fechten solt vnd wie du dich mit den hengen vnd winden ploß gebñ solt Das wirstu also nach ein ander am nagstñ hernach geschriben vinden
Merck hÿe hebt sich an der text vnd die glos
Des ersten von dem zorñhäw mit seinen stucken
Wer dir oberhawt zorñhaw ort dem drawt
Glosa Merck der zorñhaw pricht mit dem ort alle oberhaw vnd ist doch anders nicht wenn ein slächter paurñ slagk vnd den treib also Wenn dw mit dem zu° vechten zu ym kumst haut er dir denn von seiner rechtñ seitten oben ein zu° dem kopff So haw auch von dein° rechten seitten von oben an alle vor satzung Mit im zornigklich ein auf sein swert Ist er denn waich öm swert so seüß im den ort gericht für sich lanck ein vnd stich im zu° dem
