Page:Cod.I.6.2º.5 34v.jpg

Von den zwai ausseren myn und zwo inneren mynn

Zwo ausser mynn und zwo inner mynn /
dein arbait domit beginn /
vnd brüeff die geferte
ob die sind waich oder herte /

Glosa Das ist das dw mercken solt das die mynen auch nachraisen gehaissen werden und wann dw mit ir ainer an sein swert kumbst so soltu brüfen ob er dem geferte waich oder hert sey darnach soltu dem arbait beginnen Dem ist also wenn ainer gegen dir stat in der ausseren myn dan der selben sind zwo nach yeder seitten aine und stet mit seinem rechten fues vor und verhengt mit flachem swert aus dem schaitler alber oder sturtzhaw mit dem ort undersich als mit dem dache so stat er in der ausser myn auf seiner rechten seitten so khum ym auch mit der selben ausser myn von deiner rechten seitten engegen an sein swert und ym anklitzen der swert so wind im resch under dem swert ein zw dem kopf zw der plöss oder gar herüber auf sein lincke achsel das dein swert oben khum oder lige und dein dawm unden stand wo er dann hin wil so var ym indes nach Oder würfft er dich mit gwalt herüber so were dich mit schlagen oder kriegen dann in dem winden kumment ir baid krump wiltu ym aber mit dem nit begegen So magstu ym mit twir oder anderen hewen darauf setzen und arbaiten etc das ist die erst ausser myn Oder mit dem Haw krump zw den flechen etc Oder krump nit kurtzhaw

Die ander ausser myn ist so er stet mit seinem lincken fues vor und stet krump mit den armen als ob er mit dem underhaw wer etwas aufgangen und verhengt über den lincken arm So khum ym auch also engegen von deiner lincken seitten krump an sein swert Wind ym wie vor under seinem swert ein zw der plösse oder bis auf sein rechte achsel oben zw dem kopfe Darnach arbait oder krieg wie vor

Die erst inner myn ist also so er stet aber mit dem rechten fues vor vnd helt sein swert niden bey dem pain oder knyen zw dem stich wie in dem ochsen So khum ym