Page:Cod.I.6.2º.5 23r.jpg

vnd wie dw dich mit den hengen vnd winden emplossen sollt Vnd alle vorgenante stuck zetreiben findestu alles hyenach gelert vnd geschriben in der auslegung vnd glosen der zetl etc

Der text von dem zornhaw mit seinen stucken und arbaitenn

Wer dir oberhawt
zornhaw / ort ein draw /
Wirt er es gewar /
nym oben ab anefar.
Zw kopf zw leib /
die zeck nit vermeid

Glosa Wann ainer von seiner rechten seitten mit ainem obernhaw dich zw deinen kopf schlagen will so haw dw auch von deiner rechten seitten mit ainem zornhaw hinwider und im haw würff im den zornort ein zw dem gesicht und stoß Sicht er dann das und mercktz und versetzts So nym oben ab und schlag herumb von deiner lincken achsel im zw seiner rechten mit mit[sic] kurtzer schneid gat ist neher dann die ander / Und prauch die zeck zw kopf zw leib ob dw magst Dw magst auch wol im abnemen mit der langen schneiden schlagen darnach kriegen oder abhawen von im etc

^// besunder so er waich am Schwert were