Page:Cod.44.A.8 055r.jpg

Sper vnd ort deñ vor stich stich an voricht

Glosa merck das ist der ander stant wenn er auch abgetreten ist vnd be helt sein glefen vnd thu°e du die dein So schick dich also gegen ÿm ste mit dem lincken fuess vor vnd halt dein glefen neben deiner rechten seitten In der vnderñ hu°t vnd wart da du Im albeg ee zu° stichst wenn er dir

Oder halt dein glefen mit der rechten hant vber sein dein haubt zw dem schu°ß vnd tritt also zw Im vnd wart das du ee scheust wenn er vnd volg pald dem schuss nach zw Im mit dem swert gegen der glefen die dir her nach In anderñ stucken vorklert werden ~

Das ist der text vnd die glos von an setzen vnd von zucken mit der glefen zw° kampf

Spring wind setz recht an wert er zuck das gesigt Im an ~

Glosa merck das ist ein anders wenn ir paid abgetreten seit zw fuess vnd yeder hat sein glefen wiltu denn nicht schiessen Als vor geschriben stet So halt dein glefen neben deiner rechten seitten in der vnderñ hu°t vnd gee also zw Im vnd stich ÿn kundleich zw dem gesicht aus gestrackten armen Sticht er denn mit dir geleich ein So var auf mit deiner glefen an den seinen In das ober geheng vnd spring do mit zw Im vnd setz ÿm oben   an Vert