Page:MS KK5126 106v.jpg

vor vnd nach zwai ding seind aller chunnst ein vrsprung swech vnnd sterck jnndes das wort damit merck so magstw lern mit chunst arbatten vnnd wern der schrikst gern kain fechtenn nymer lern merchk das dw vor allenn sachen sold recht vernemen die zwai ding das ist das vor und das nach swech vnd sterch des swercz vnnd das wort jnndes dar aus chumbt der gancz grundt aller chunst des fechtens wenn dw die ding recht ver nymbst vnd verstest vnd zw vor aus das wort jnndes nit vergisst in allenn stuckenn die dw treybst so pist dw wol ein gueter fechter vnd maister des swercz vnd magst wol lern<en> furstenn vnd her<e>n das sy mit rechter chunst des swercz wol mugen pestenn in schimpf vnd in ernnst

Hie merck was da haist das vor das ist wenn dw ee chumbst mit dem haw oder sunnst das er dir verseczenn mues so arbait jnn des behendlich wer dich mit dem swert oder sunst mit andern sachenn so mag er chainer arbait nicht chumenn

[M]erck was haist das nach das ist wenn er ee chumbt mit dem haw wann dw / das dw im verseczen muest so arbat jnn des mit der versaczung behendiklichenn mit dem swert zw der nachstenn plos so benymbst dw jm sein vor mit dem nach vnnd das haist vor vnd–nach

n[u] sold dw auch wissenn die swech vnd die sterck des swercz das vernim also von dem gelicz (sic) pis in die mit der klingenn jst die sterch vnd fur pas vber dy mitt pis an denn ort jst die swech vnd wie dw mit der swech vnd sterck am swert arbattenn sold das wiert dir hin nach pechanndt vnnd erchlärt

Nu hor funf hauen der text

[F]unf hew lernn von der rechtenn hand wer die weret de<n> wir gelobenn jn chünnst<e>nn gern zu lonen merck das sein funf verporgenn hew der vil maister des swercz nicht vmb wissenn zu sagenn die solt dw recht lern hawenn von deiner rechtenn seytenn welicher fechter dier denn die hew mit rechter chunst an schadenn prechenn chann der wiert gelobt von andern maistern das im in seiner chunst pas gelonet sol werdenn denn einem andern fechtet vnd wo dw die hew mit pey stuckenn solt hauen das wirt dir her nach verklart werdenn

Das ist text von denn stuckenn der zet<e>l

Zorn haw krump twer hat schilcher mit schaitler alwer verseczt nachraissenn vberlauff hewe leczt durchwechsel zuck durchlauff absneyd hennde druck henng wind mit plossem slach vach strich Stich mit stossenn das sein die hawbt Stuck der chunnst des lanngen swercz wie sy haissenn yedlichs pesünnder mit seinem namen dar vmb das dw sy dester pas verstenn chunst vnd der stuck ist mit ein annder siben zehenew das erst seind die funf verporgenn hew wie sy genant sein yedlicher Besunnder Item der erst zorn haw krumphaw Therhaw schilchaw schaitelhaw Item merch die stuck da von die vier hüeten die vier verseczenn die nachraisen die vber lauffenn die ab seczenn die durch wechsel die zucken die durchlauffenn die absneyden die hennd drucken die henngen die windenn vnd was man nu aus denn stuckenn fechtenn sol vnd wie man sich mit denn hengen vnd windenn plös sol gebenn das wiert her verklartt   text

Zorn haw mit seinen stuckenn wer dier oberhaut ort dem traut wiert es gewar nym obenn ab anne war merch der zorn haw pricht mit dem ort alle verkerhew vnnd ist doch anders nicht dann ein slechter paurnn slag denn arbait also wenn er dir von deiner rechtn seyt<e>n oben zw dem chopf haut so haw auch von