Hÿe merck ein besunder stuck mit der kurtzen glefen gegen der langen
Merck wenn dw hast ein kurtze glefen vnd er ein lange So reit sittigklich gegen Im vnd halt im den ort aus dem arm~ gegñ dem gesicht vnd wenn es kumpt an das treffen So lass den zawm varñ vnd lait In mit der lincken hant sein glefen ab auff dein lincke seitten vnd reit für dich vnd setz ÿm an Das lert die zwelfft figur Die spricht also Mit ler lerer hant lere zwen strich gegen aller were ~
Haw
Das ist der text vnd die glos von einer ler vnd von ringen zw° ross
Haw drein nicht zucke
von schaide linck zw Im rucke
Greif in sein rechten
So vechstu in ane vechten
Merck die ler weñ ir paid zw sãmen reittet mit den glefen Ist denn sach das ir ped do mit verfelt wildu In denn vahen an alles vechten So lass dein glefen zw hant fallen vnd zeuch weieder swert noch messer vnd wendt dich mit deiner lincken seitten an sein rechte vnd wart auff sein rechtñ arm~ vnd treib die hernach geschriben ringen ~
Hie merck zwaÿ ringen
Merck wenn dw kumpst mit deiner lincken seitten an sein rechte So begreiff
