Page:Cod.44.A.8 045v.jpg

einer ler mit ledigen henden

Zwen strich lere
Mit lerer hant gegen der were

Glosa Merck das ist ein gross vortail zw° ross das du alle deine stuck solt treiben zw° paiden seittñ mit ledigen henden gegen aller wer Do mit ein man an dich chumpt dor vmb soltu deinen zaum also wissen zu° halden das du dein hend freÿ vnd ledig magst gehaben wenn du wild vñ den zawm wechselñ aus ein° hant in die ander wenn es dir eben ist zw° den ringen oder sünst zw anderñ stucken vnd wie du mit ledigen henden die stuck treibñ solt das findestu in der glosen geschriben Das lert die xij figur Die spricht also Mit lärer hant zwen strich gegen aller were

Das ist der text vnd die glos vonn dem edelñ schaff griff

Der schaff griff wert
Wer sich ringens zu° dir kert
Als vnder augen
Begreiff Inn recht mit fläugen

Glosa Merck der schaf griff ist der pesten ringen ains zu° ross wenn man do mit pricht alle ringen do mit dich einer vorñ an felt oder greifft mit ringen

den schaffgriff treib also

Wenn du mit einem zu° Ross ringen wild So reitt Im geleich vnder augen vnd wart das du kumpst mit deiner rechten seitten an die sein Greifft er dich denn voren an mit ringen so begreiff mit der lincken hant