Page:Cod.44.A.8 052r.jpg

aus dem langen swert zw dem kopff

Hie merck mit halbem swert gegen der glefen

Merck wenn dw reittest gegen ÿm mit halbem swert vnd er wider gegen dir mit seiner glefen zw dein° rechten seittñ So merck wenn es get an das treffen So var auff mit dem halben swert auf dein rechte seitten gegen der glefen vnd i setz den stich ab vnd reitt do mit an ÿn vnd stich ym zw dem gesicht oder setz ÿm an

Aber ein stuck mit dem kurtzen swert zu° Ross gegen der glefen

·M·erck wenn dw reittest mit dem halben swert Jagt er denn auff dich mit der glefen zw deiner lincken seitten vnd wil dir an setzen So var auf mit dem knopf gegen deiner lincken seitten vnd lass den ort neben dir nÿder hangen Auch zw der deiner lincken seitten vnd setz ab mit dem kurtzen swert vnd reit do mit an ÿn vnd setz ym an Magstu zw dem ansetzen nicht chu~men So wart der ringen etc ~ ~ ~ ~ ~ ~ ~