Page:Cod.44.A.8 041r.jpg

vert do mit auff vnd wil slahen So begreiff mit der lincken hant sein rechten arm~ hinder dem elpogen vnd heb In vest vnd mit der rechten begreiff sein swert peÿ dem knopf vnd ruck Im das aus der hannt

Oder N·ÿm Im mit der rechten sein messer oder sunst ander were vnd arbait Im do mit zw° der plöss Das lert die ainlift figur Die spricht also Druck vast stoß vom zawm vnd suech sein messer

Das sind zwaÿ swert nemen

Wenn du kumpst mit deiner rechtñ seittñ an sein rechte hat er denn sein swert getzogen vnd vert auf vnd wil slachen So var mit dem rechtñ arm~ auswendig vber sein rechten vnd druck den also vndersich In dein rechte seittñ vnd reit für dich so nÿmpstu ÿm sein swert

·Oder Var mit dem rechten arm~ Innwendig auf vber sein rechten vnd druck den vorñ an dein prust vnd reÿt für dich So nÿmpstu Im aber sein swert ~

Aber ein ringen

Merck wenn dw kumpst mit dein° rechtñ seitten an sein rechte hat er denn sein swert gezogen vnd vert domit auf vnd wil slachen So begreiff mit der gerechten hant sein rechten arm~ hinder dem elpogen vnd stos In do mit oben von dir vnd erheb in vnden mit dem rechtñ füess seinen rechten vnder dem steickleder vnd stos in oben von dir mit der