lincken hant So velt er
Merck ein guet Ringen
Wenn dw kumpst mit der rechten seittñ an sein rechte So begreiff mit der lincken hant sein rechte vnd rück in für dein prust vnd wendt dein ross von Im vnd zeuch In also vom ross Das lert die ander figur Die spricht also vmbker mit dem ross zeuch sein swert rechte hannt mit deiner lincken
Das ist der text vnd die glos von einer ler zu° ross
Das glefen stechen
vechten sittigklich an hurtt lere prechen
Merck die ler wenn er auf dich reitt mit einer glefen Wiltu deñ mit kunst wider gegen Im arbaittñ so soltu gar sittlich gegen Im reitten So magstu Im wol mit dein° glefen die sein absetzen vnd sünst ander vortail an gewinnen mit dem swert oder wirstu zw dem mañ hurttñ oder rennen So magstu kein stuck recht getreiben vnd pist da zw° selber nicht sicher auff dem ross Das lert die zwaÿ vnd zwaintzigist figur Die spricht also Das ist nw der sper lauf der dem anderñ begegent vnder augen
Hie hebt sich an die kunst mit dem swert zw ross
Merck wenn dw wild vechten zu° ross mit dem swert So soltu do mit wissen fünff hu°tten
Das ist die erst hu°t Wenn dw sitzt auf dem ross So halt dein swert mit der rechten hant pey der hant
