Page:Cod.44.A.8 066v.jpg

vnd begreiff sein lincke hant mit dein° lincken vnd mit der rechten sein lincken elpogen vnd treib den arm~pruch

Oder wenn dw ÿm dein swert fur die fuess geworfen hast So stos ÿn mit der lincken hant vorñ an die prust vnd begreiff yn mit der rechten in seiner lincken knÿbel vnd ruck in do mit zw dir vnd stos mit der lincken oben oben von dir so velt er

Auch soltu wissen

das dw aus der vnderñ hu°t mit dem knopf auch wol slahen magst Als aus der öberñ wenn es dir eben ist ~

Hie merck Das ist die dritt hu°t mit dem kurtzen swert zw champf mit irñ stucken vnd schicku~g

Merck in die dritt hu°t zw champf schick dich also Ste mit dem lincken fuess vor vnd halt dein swert mit der rechten hant pey der hanthab vnd mit der lincken greiff mitten in die klingen vnd leg es die twer vber dein lincks knÿe in die hu°t dar aus prich Im seine stuck mit vorsatzu~g

Das erst stuck

Merck wenn dw hast dein swert vber dein lincken knÿe in der hu°t Sticht er dir denn aus der öberñ hu°t zw dem gesicht So setz den stich ab mit dem swert für deiner lincken hant gegen seiner rechten seitten vnd var auf in die ober hu°t vnd setz im an Oder versetz den stich zwischen deinen ~ paiden henden in die swertz klingen vnd