Page:Cod.44.A.8 056r.jpg

setzen muest So vorsetz also das dein ort nicht weÿt neben Im beseitt aus gee Sunder beleib ym do mit nahent vor dem gesicht oder der prust Zuck er denn oder wechselt durch das vorsetz ÿm nicht vnd volg [Buchstabe »g« nahezu unleserlich, da nachträglich eingefügt] ym nach mit dem ort vnd setz ÿm an die weil er durch zuckt Triffstu ÿn denn recht mit dem ansatz So dring ÿn also für dir hyn vnd lass yn von dem ort nicht abkömen Wil er denn mit abtrettñ hindersich zw ruck aus dem ort fliechen oder hinder sich dar aus springen oder wil sich also  aus dem stich wenden vnd wendt dir zw ein    seitten So spring zw ÿm vnd wart das dw In ia weisleich vnd recht begreiffest mit arm~ prüchen oder sünst mit anderñ ringen ~

Das ist der text vnd die glos von Ringen zw kampf

·Ob dw wild ringen
hinder pain recht lere springen
Rigel vor schiessen
Das vor pain kunstlich vor schliessen

Glosa merck Das ist ob dw mit Im ringen wilt So solt du vor allen sachen wissen wie du In^Im recht solt springen hinder seinen vor gesetztñ fues vnd den selben fues solstu yn mit der kunst verrigelñ vnd verschliessen die dir hernach vorklert wirt

·:~Das Ist ein Ringen