Page:MS Germ.Quart.2020 018r.jpg

Text von dem Krumphau mit sein / stuckn

Krump auf behende,
wirff den ort auf die hende, /
Krump wer wol setzt,
mit schriten vil hew letzt

Glosa Der krumphau ist der vir versetzen eins, wider die vir huten, Wen domit / pricht man die huten die do haist der Ochs, unnd auch den ober und / Untherhau den treib also, Wen du mit dem zufechten zu im kumpst, / steet er dan gegen dir und helt sein schwert fur seinem haupt in der hut / des Ochsens, auf seiner lincken seiten, so setz den lincken vus vor, und / halt dein schwert an deiner rechten achselnn, in der hut, unnd spring / mit dem rechten fus, wol auf dein recht seyten, gegen im, und schlag / in mit der langen schneid, aus gekreutzten armen, uber die hend,

[Marginal note in another hand:] Krumphau pricht den Ochsn