tencke achsel vmb den hals vnnd ruck in domit zu dier so velt er
wenn dw gegen im reytest mit halbem swert reyt er denn dir zw der rechtenn seytenn Sticht er dir denn zw dem leyb das / slecht secz // ab vnd secz im ab oder sticht er dir obenn zu dem gesicht so far auf gegen dem stich vnd wind im das ort oben ein zw dem gesicht oder secz im an oder chumbt er do mit nachent ann dich so wart der ringen
Reytest jm zw dem halbenn swert zw seiner tennckenn seytenn sticht er dir dann zw dem leyb so far auf mit dem chnopf gegenn deiner tennckenn seytenn vnd las dein ort nebenn dir nyder hangenn vnd secz jm den stich also ab mit dein churczenn sneyd vnnd secz im ann
Reyczt dw im mit halbem swert zw seiner tennckenn seytenn hawt er dir denn obenn ein zw dem chopf so versecz zwischenn[1] paidenn henden jn das swert vnd las das swert aus der rechten hand vnd chum da mit der tencken ze hilf mitten in der klingen vnd schlach in mit dem chnopf mit dem zu haubt oder zw dem tencken elpog<e>n
wenn dw mit dem halben swert reytest zu deiner tennckenn seyten hawt er dir dann obenn ein zw dem chopf so ver secz zwischenn deinen paiden hennden jn die chlingen vnd begreyff in der tenncken hand mit der versaczung deinen swercz chnopf vnd slach in mit einem freyen oberhaw aus dem lanngen swert zw dem chopf
Hie merck mit halbem swertt gegenn der glaffenn
wenn dw hast geuast[2] dein swert mit der tennckenn hannd mittenn jn der klingen reyt er denn auf dich mit der glaffenn zw deinen // seyten tenncken // vnd wil dir anseczenn so far auf mit dem chnopf gegen deiner tencken seyten vnd las denn ort neb<e>n nyder hangenn vnd secz also ab mit dem churczen swert vnd hurt an jn vnd secz im an magstw (sic) dw zw dem anseczen nit chümen so wart der ringenn
wenn dw hast geuast dein swert mit der tenncken hand mitten in der chlingen reytt er denn auf dich mit der glaffenn zw deiner rechtenn seyten so merck wen get an das treffenn so wind auf dein rechte seytenn gegen der glaffenn vnd secz den stich ab mit dem churczen swert vnd hurt an jn vnd stich in zw dem gesicht oder secz jm an
Hie hebt sich an dy chunst des churczen swercz zw chambf die auch gemacht hat hanns liechtnauer
der text ein gemaine ler
wer ab sintet
fechtens zw fuess
glosa. Man mag fechten in harnasch zw champf vnd zw ross darnach vnnd sich zwen verwilligen wär sach das dw dich mit ainem soldest schlachen zw ross oder fechten vnd deucht dich das er dir zw scheyd vnd zw machtig war so tritt ab zu fuess vnd ficht mit im auf den her nach geschribenn stuckenn
Der text von zwain stenn der schick sein sper zwaj sten anheben recht mer
wenn dw abgetretn pist vom ross so sold dw zu hand in dem anheben wissenn zwen ständ mit der glaffenn der erst gehort zw dem ob er auf dem ross ist oder beleybt dem andern stand gehort zw dem ob er auch ab tritt zw den zwain dingen sold dw die stuck gerecht treybenn die dir hin nach in der gschrift verchlartt /// werdenn
wenn dw abgetret<e>n pist vom ross vnd er nit ab tret<e>n wil so ste mit // dem tencken fuess vor vnd secz dein gläffenn zw der rechten seytenn jn die erd vnnd halt das ort gegen im auf weliche seytenn er dir denn zw reẅtt
