Itm~ Aber ein ringe~ wan er dir In loufft vnd ist hoch mit den armen vnd du auch so soltu din schwertt in der rechte~ hant halte~ vnd stos Im do mit sin arm von dir vnd spring mit dinem rechten lincke~ [oberhalb der Streichung eingefügt] fus hinder sinem rechten vnd far mit dem lincke~ arm vnte~ durch vor siner brust in sin lincke site~ vnd faß In vff din lincke hueff vnd wurff In hinder dich die zwei ringe~ tribe auch zu beide~ site~
Merck wan er dir In laufft Im schwertt vñ helt sin arm nider dz du Im nit magst durch lovffen so tribe disse noch geschriben ringen
Itm~ wan er dir In laufft Im schwertt vnd held die hende nider so verkere din lincke hant vnd begriff do mit sin rechte Inwendig zwusschen sin beide~ hende~ vnd dring do mit vff die lincke site~ vnd mit der rechte~ schlag in mit dem schwertt vber den kopff oder wiltu In nit schlage~ so spring mit dem rechte~ fus hinder sinen lincke~ vnd far im mit dem rechte~ arm vorn oder hinte~ vmb den hals vnd wurff in vber dines rechtes kneye ~
Itm~ aber eyn ander ringen wan er dir In laufft im schwert vnd ist nider mit den hende~
