This page needs to be proofread.
ort vnder sein lincks vchsen in die plos oder sůnst wo dů hin magst vnnd dring in vor dir hin ·
Text von einer ler wie man zůcken sol ·
Wiltů vor stechen
mit zůcken lere wer prechen
Glosa [w]enn dů inn wild vorstechn ee wann er dir oder sůnnst vorkůmpst mit dem stẙch versetzt er denn stich so soltů inndes wissen wie dů důrchwechselnn oder zucken solt das er dir icht ansetzt die weil dů důrch zůckest vnd das vernim also versetzt er den stẙch starck mit der glefen vnd lest dir den ort nebenn beseit aůßgeen so zůck bald vnd stẙch im zů der andernn seitn oder bleibt er dir inn der versatzůnng mit dem ort vor dem gesicht · so
