Page:MS Germ.Quart.2020 211v.jpg

Das ist wenn dů dein glefen verschossen hast behelt er denn die sein so nim gar eben war wie er sie gefast hab ob er den ort lanck oder kůrtz fur sein vorgesetzte hant last furgenn vnnd ob er dir oben oder vnden domit wil zů stechn

Hie merck das stuck

Wenn dů hast ein schwert vnd er ein glefen hat er sie dann kůrtz gefast vnd stelt sich domit in die ober hůt, so leg dein schwert aůf dein lincks knie, in die hůt, sticht er dir denn oben ein zům gesicht, so var aůff vnd versetz den stich mit dem schwert fůr deiner lincken hant, gegen seẙner rechten seiten, vnd var domit aůf an seẙner glefen in die ober hůt vnd spring zů im vnd setz im an, triffestu in dan nit recht mit dem ansatz, so las dein sctwert zů hant fallen, vnd eill zů im vnd wart der ringen ·

Aber ein Stuck

Wenn dů wilt ein schwert vnnd er ein Glefen, stet er dann domit gegen dir in der vnntern hůet, vnd