Page:MS Germ.Quart.2020 213r.jpg

gegen im aůch in einner hůt, Sticht er dir dann oben ein nach dem gsicht, So schlag im mit der lincken hannt sein glefen beseit ab ~Vnnd begreif dein schwert bald wider mit der linncken hannt mitten in der clingen, vnd spring zů im vnnd setz im an.

Ein annders Stůck

Merckh, wann dů hast ein schwert vnnd er ein glefen, lest er dann den ort lang fůr die hannt aůsgen, vnnd sticht dir domit vnnten zů dem gemacht, so begreif sein glefen mit der lincken hannt, vnd halt sÿ domit fesst, vnd stich in mit dem schwert, vnnden zů denn hoden, ^vts Zůckht er dann sein glenen stark an sich, so lass sẙ vrbring faren, so enntplo̊st er die seitn, Domit begreif dein schwert mit der linncken hant balt wider mitten in der clinngen, ~Vnnd volg im nach mit ansetzen der selbigen seittn, O. wart d. Ringen.