Page:MS 26-232 109v.png

vnd volg Im Bald nach vnd Setz Ime ann

Das ist der text vonn den Blossen

Leder hantschuch
nter den augenn die ploeß recht such

Glosa Das ist wan dw eynen gewappetten man ansetzenn wild So soltu der Bloeß eben war nemen des Erstenn In das gesicht oder vnter den vchssenn oder In den tener oder In den hantschuch oder In dye knyekelen oder zwischenn den peinen oder In allen glidern do der harnasch sein gelenck Innen hatt wen an den Stellen Ist der mann am besten zw gewinnen vnd der Bloessen Soltu Recht wissenn zw Suchenn das dw nach einer nit weitt greiffen Solt wen dir ein nehere werden mag das thu mit aller wer die zw dem kampff gehorenn

Das ist der text mit den verpotten zw Ringen

Verpottenn Ringen
weyßlich zw lere bringenn
zw schliessenn vnd
die Starcken damit vber wind

Glosa merck das Ist wen einer dem andern ein lawfft So las dein Schwertt zw hand fallen vnd wart damit weyßlich der ringenn die zw dem kampff gehorenn die verbotten sein von alten weissen meinster des schwertz das man auff offenbaren Schulen nyemantz lernen noch sehenn soll lassenn Darumb das sye zw dem kampff fechten gehorenn das sein die arm bruch vnd pein bruch zw hodenn stosß vnd mortt Stosß vnnd knye