feler zwifach trift man den schnit mit macht zwifach es furwas schreit in linck vnd pis nit los
der schilhaw
[Sch]ilcher ein pricht was püffel slecht oder sticht wer wechsel drawt schilcher dar aus peraubt schil kürczt er dichk ann vnd durch wechsel gesigt im an schilch zu dem ort vnd nym den hals anne forcht schilch dem obern haupt hennd wild dw bederbenn
[D]er schaitler ist dem antlucz geuar mit seiner kär der prust geuar was von im chumbt die kron so prichstu sy hart schon die stucke druck mit sniten sy abruck /
/ Die vier leger
[V]ier leger allain da von halt vnd fleuch die gemain ochs pflueg alber vom tag sey dier nit vnmär
Die vier verseczenn
[V]Ier seind der verseczen die die leger auch ser leczenn vor verseczen huet dich geschicht das auch ser micz dich ob dir verseczt ist vnd wie das dar chumen ist hor was ich dir rate reis ab haw snel mit trate secz an vier enden beleib dar auf wildw wenndenn
von nachraisen
nach raissenn lern zwifach oder sneyd im die were zwai aussere nyme der arbait dar nach pegine vnd prüß [!] die geferte ob sy hert sein oder waiche das fulen lare / Inndes das wort sneydet sere nach raisen zwifach trifft man den alten snit da mit mach er vnden rempt
Von vberlauffenn
vberlauffen den da wiert beschembt wenn es gliczt oben so sterck das ger ich lobe dein arbait mach hert oder waich durch zwifach
von abseczenn
Lern ab seczenn haw stich chunnstlich leczen wer auf dich sticht dein ort trifft vnnd seinen trift von paiden seytten trif alle wol schreitenn
Vom durchwechsl
Durch wechsel lere von paiden seyten stich mit sere wer auf dich pindet durchwechsel In schier findet
Von zuckenn
drit nachet in punndenn das zucken gibt guet fünde zuck trifft er zuck mer arbait er vinde das thuet im we zuck allenn treffen den maistern wild dw sy äffenn
Von durchlauffen ab seczen
lerne ab seczenn haw stich dein ort trifft vnd seinen pricht von paiden seyten triff alle mal wild dw schreiten
von zwain hengen von durchlauffen
[Z]wai henngen wern aus einer hannd von der erdenn in allem geferte Haw stich leger waich oder herte
von durchlauffenn
durchlauf laß hangen mit dem knauf greif wildw ringen wer gegen dir sterchk durch lauff da mit merck sneid ab die herten von vnden In paiden geferten vier sind der snidt zwen vnden zwen oben mit dein snidt wend zu fliehen [!] durch die hennde
sprechfenster mache stand freylich besich sein sache slach in das er snabe wer sich von dir zeucht abe ich sag dir fur ware sich schüczt kain man anne far hast dw es vernomen zw slag mag er chlaine chomen
der zetl pesliessung
[W]er wol fueret vnd recht pricht vnd entlich gar pericht vnd pricht besunnder yedlichs in trew wunder da mit sprenget vnd winden achte mit rechtem wege betrachte vnd ir aine der winden selb drit ich maine so sind ir zwainczig vnd vier zelt sy ainczig von paiden seytenn acht winden lere mit schritenn vnd prüff die geferte nicht mer nur waich oder herte
Maister hannsen liechtenauers ross fechtenn
