Page:MS KK5126 104v.jpg

[A]lhie hebt sich an die zetl der ritterlichen chunst des fechtens die geticht vnd gemacht hat hanns liechtenauer der ein hocher maister in den künsten gewessenn ist dem got genadig sey

des ersten mit dem lanngen swert darnach mit dem spies vnd darnach mit dem swert zw ross vnd darnach mit dem kurczen swert zw ross kampf vnd dar vmb das die kunnst fürsten vnd herrenn rittern vnd chnechten zw gehort das sy wissenn vnd lernen sullenn so hat er die ritterlichen chunst yedleich pesunder lassen schreibenn mit verporgen vnd verdackten worten dar vmb das Sy yeder man nit versten müg vnd hat das getan durch der schirmmaister willen die ir chunst ring wegen das von den selbm sein chunst nit geoffenwart werd lewtten die die chunst nicht in wierden chünen haldenn als den chunnsten zue gehört

Junger ritter lern
got lieb habenn vnd frauen io ere
so [?]ächst dein ere
vber alle Ritterschafft vnd lern
chunst die dich ziern
vnd in kriegen ser hoffieret
ringen /^ist guet die pesser
sper swert /^vnd messer
degenn mandlich zw peberben
vnd in andern henden zu ver derbenn

Das ist ein gemaine ler des langenn Swercz vnnd ist das die vor redt

[W]Ild dw chunnst schauen
sich tenncken vnd recht mit hauen
vnd tennck mit gerechten
Ist das dw starck gerst zw fechten
wer nach get hewen
der darf sich der chunst wenig freien
haw nachet was dw wild
chain wechsler chumbt an deinen schilt
zw ch?op zw leyb
die zeck nit vermeid
Mit ganczem leib
ficht was was [!] dw starck gerest zw treibenn
hor was da slecht ist
ficht nicht oben lingk yst das dw recht pist
vnd ob dw linck pist
Im rechten auch ser hinckest
vor vnd nach die zwai ding
Sind aller ding ein vrsprung
Swech vnd sterch
Inndes das wort da mit merck
so magstu lernen
mit chunst arbatten [!] vnd wern
erschrickest dw gern
chain fechten nymer lern
funff hew lern
von der rechten hand wider die were
den wir in chunsten geloben
gern zu lonen

[Z]orn haw twer
schilcher mit schaitler
alwer verseczt
nachraisen vberlauf haw leczt
durch wechsel zuck
durch lauff ab sneyd hennd druck
heng windt mit plossem
fach streich stich mit stössenn

Zorn haw

Wer dier oberhaut
zorn ort dem trät
wirt er es gewar
nym oben ab ame [!] far
pis stercker wider
windt stich sicht ers nym es nyder
das eben merck
haw stich leger waich oder hert
Inndes vnd far nach
an hurt dein krieg sey nit gach

wes der krieg remet
oben nyden wirt es verschemet
in allen winden
Haw stich schnit lere finden
auch sold dw nit [!]
prüffen hew stich schnit
in allenn treffen
den maistern wildw sy affenn

//

die vier plossenn

[V]Ier plosse wisse
zu rämen so slechstu gewisse
an alle far
ann zweyffl

wild dich rechen
die vier plossen kunstlich prechen
Obenn duplier
in dem recht mutier
Ich sag fur war
sich schäczt [!] kain man ane far
Hastu vernumen
zu slag mag er klain chumen

[K]rump auf Behende
wurf den ort auf die hennde
chrump wer wol siczet
mit sch/reiten vil Hew lecz
haw chrump mit flechen
den maistern wild dw sy swechen
wenn es gliczt oben
so stand ab das wil ich dich loben
chrump nicht churcz haw
durch wechsel da mit schaw
chrump wer dich irret
der edl krieg in ver wiret
das er nit wais fur war
wo er sey Inen [!] far

Der twer haw

[T]wer benimpt
was vom tag her chumbt
twer mit der sterck
dein arbait damit mercke
Twer zu dem pflueg
zw dem ochsen hart gefueg
was sich wol twert
mit sprungenn dem haubt gefert

feler wer füeret
nach wunnsch er ruret
Verkerer twinget
durchlauf ser auch mit ringet
den elpogenn gewis nym
spring in die wage