This page needs to be proofread.
Vberlauff mit schlagendem ortt
Zu kopff Zu pauch : hals schlag den mortt
Das soltu alzo verstan so Du vber faren pist seyn messer als vor geschriben stet So du deyn messer alzo an dich zogen hast so vall In dy mit deynes messers mit deyner lincken handt vnd wendt dy recht an deynem messer vmb das der dawm vbersich stee vnd schlag In mit dem gehultz auff sein kopff vnd schreyt Indes mit dem rechten fuß woll hinter seynen rechten vnd schreyt mit deynem lincken fuß auch woll hinter In vnd schlag In an alle versatzung mit dem gehultz In seynen pauch Indes hintertrit In noch paß schlag In den mit dem gehultz In seynen nacken etc
