 |
You are not currently logged in. Are you accessing the unsecure (http) portal? Click here to switch to the secure portal. |
Page:Cgm 582 157v.jpg
[1]Item Eyn pessers stuck so dw Empfindest das er will vber deyn arme fallen gleych Indes so er fellt mit seynem arme vber deynen Indes heb Im seynen lincken arme außbendigs starck auff vbersich vnd schreytt mit deynem rechten fuß fur seynen lincken vnd druck mit deynem rechten arme fast nyder seynen lincken das dy gelenck der olpogen zu samen ruren oder kummen ist er starck so kum deym rechten arme oder handt zu hilff mit deyner lincken vnd wurff In auff das antlitz vber deyn rechtes peyn etc
Item oder greyff Inn dy mitt deynes messers mit deyner lincken handt der rechten zu hilff vnd reyß starck auff deyn lincke seytten vnd druck oben nyder mit der lincken handt vnd spring mit deynem rechten fuß für seynen lincken vnd wurff In dar vber also hastu den pruch wyder das erst stuck
- ↑ Abriviatur sieht wie ein B aus. Zusammen mit dem Buchstaben A, der auf der Seite 158 r zu finden ist, wird angezeit, daß die beiden Seiten vertauscht wurden. cpg430 bestätigt dies.
