| vnd begreif In hinden | vnd halt In fest vñ zeuch zu° dir | vnd mit der rechten hant begreif in auswendig in sein rechte knÿepüg so würfstu In auf die linck seittñ das get zu° paiden seitten ~
Das ist ein leip ringen
| Wenn du dich mit eine~ gefast hast das dw die ein hant vnder seine~ arm~ hast | vnd die ander oben vnd er dich auch also | Ist er denn starck | vnd druckt dich zu° ÿm so setz ÿm den elpogen an der hant die du oben hast an die kel vnd druck in do mit vast so mües er dich lassen ~
Ein ander pruch
| Merck wenn dich ein° hat gefast vnder den arm~ vnd druckt dich fast zu° Im so prich dich also von ÿm | greif ÿm mit paiden daümen in die augen | oder vnder sein kinpacken oder in sein kel so mues er dich lassen ~
Aber ein leip ringen
| Hastu dich mit einem gefast das du ein hant vnden hast | vnd die ander oben vnd er dich auch also | So far Im mit dem arm~ den du oben hast vnder seine~ kinpacken an den hals vnd stos in fast von dir | vnd mit der hant die du vnden hast begreif ÿm ein pain in der knÿepüg
