den lincken fues vor gesetzt | vnd ist er denn also gescheid | vnd schreitt dir mit seinem rechten fuess auswendig hinder den lincken | vnd wil dich peÿ den armen dar vber rucken so zuck den lincken fues frisch hinder dich auf zu° ruck | vnd fass Im do mit sein rechten fues | vnd stos in oben für die prust so felt er ~
Aber ein ringen
| Ob dich einer fer° hinden begreift vber dein achselñ so var vber mit deinem arm~ in die püg seins elpogens an der seitten do der fues vor stet | vnd mit der anderñ hant hilf zu° dir drucken auf die seitten außwendig geriden | vnd hald Im den arm~ mit der ain hant | vnd mit der anderñ greif im in die drossel | vnd mit dem füess in die knÿepüg seins ausgesetztñ fuess zu° dir gespart mit der fersen ~
Aber ein ringen
| Schlach aus mit deiner rechten hannt sein lincke | vnd begreif Im die finger sein° rechten hant | vnd mit der lincken sein rechten arm~ vber sich geslagen voren gefast | vnd zu° ruck geworfen vber dein lincks pain ~
Aber ein ringen
| Schlach aus mit deiner rechten hant sein lincke | vnd var im r mit der rechten
