This page needs to be proofread.
elenpogen auf, vnd dra dich vmb[1] vnder fahe In In dr brust. [S.S. 155, 55.]
Das Dreyzehendt
Wen du eine gefast hast mit deiner linckhen[2] seitten odr Hand in dr maus seines rechten arms vnd druckhs In damit zu ruckhen, vnd er dir vberfelt mit seine rechten arm von aussen vber dein linckhe handt, vnd druckh dir dein Hand vast an sein brust, so fare Im mit dem selben elenbogen In sein rechte seitten vnd senckh dich nidr vnd spring mit dem linckhen fueß hindr sein rechten fueß vnd greiff im mit dr Hand In sein kniepug vnd wirf In von dir. [S. S. 156, 58.]
Das Vierzehend
Greiff Im mit beiden henden an sein achseln auff vber sein hendt, so thuet er dich widr fassen bei der achsel Inwendig, begreiff[3] bei der linckhen Hand mit deiner
