Page:MS G.B.f.18a 123v.png

Sequitur bona et vera moda dimicandi magistri h. Beringois pie memorie.

Jung ritt° lere
god lieb haben frauwen io ere

vbe ritter s schaff / vnde lere
ding das dich ziret
und in krigē sere hofferitiret
Glebingen.
sper Swert und messer
menliche bederfen
und das in andirn handen vorderben /
zorn hawe krump twer
had schiler mid schitiler

 der krig 

wer obir dich hawed
zorn hawe ort deme drawed
wyrt ers ge war
nyms oben abe ane var
Biß sterker wedder
wint stich sicht ers nyms nider
Czuck de sind oben uß
obirhaybt so geyt der krieg uß
krump nicht kortz howe
der wēchsel damede shauw
krump uf behende
wyrf den ord of dye hende
krump wer wol setzt
med schretn vel hauwe letzt
krump wer dich irred
der edel krieg dich vor wirret
Twere benymbt
was von himel her abe kumet
Twere czu dem orte
nym dē hals ane fortte
Schil in dem obn°
iß daz du wylt be dobern
Der scheyteler myt sinen kere
deme ātlitze ist gar gewere

Hec{ce} sunt cautele

Erschrigkestu gern
kain fechten saltu nymmer ge lerne

Yn deß
vor und nach die swei ding
sind aller dinge on orspring
In des vor und nach
an hoite dem krige sy nicht inach
weß der krieg romet
oben unnden werd er beschemet
hore waz da secht
yst ficht nicht lingkz ab du recht
bist und lingkest
in dem rechten ouch here hingkest
Ich sage vor war
keyn man schutzit sich ane var
hastuß vornomen

czu slage mag er kleine komen

Von hengen

Czwei hengen nyder
van beydn handen uf von der erdin
Wer sich vor dir zchucht abe
hauw snel daz daß er snabe
hauw czu dem s{f}leytin
den meyster wiltun in streichen
hauw czuden phluge
zu den ochsen hartte . vuge fuge
wer nach god hauwen
der sich kunst kleyne vreuwen
haw und was du wilt
kein wesßeler kom an den schilt

vier sind versztin
die dye legere ouch sere letzin
Sectz an vir enden
blyb dar uf wiltu enden
vorsetzen hut dich
geschiet daz sere muet dich
Ist daz du vor satzt yß
Sich wy het da her komen yst
Hore waß ich rate
strigh abe snel hauwe midde drate
Nach reysen lere
trid vorbaß und snid in dy were
sprech fenstir mach
stand konlich sich syne sach
one alle var
an Wivel roye her gebar
In allen winden
heuwe stiche snyte lerne vinden
Daz saltu oben merken
ab dye levger sint weych oder herte
Czugke zrugket her zcugke me er
be vint arbeyt die oin trid

wessellir zcwifagh
den alden snit midde mach
ffellir wer de furt
von under nach wonsche rurt
Czwifach furbaß
drid dyn hud und biß nicht laß
kome iß glichtzet obene
so stadet abe daz ger ich lobe
wer uf dich stight
sine ord mit Were trift und bricht
wiltu dich rechen
vier bloße konstlichen brechen
Oben duplire
dar unden recht mutire
vir bloße wiße
So slestu ge wisse
llaß den ort hangen
Be griff den knauf wiltu midde rangen
vier sind dar snidde
Czwene unde czwene oben midden etc

Et sic est finis huius artis

Ich trete Gude uf de selben phad da uns lieber here ihne vußß selber uf trat der waz milde und gud Geseyne mich hute sin heyligen rosen varweß blut und sin heylygen funf wunder daz ich des geyden tudeß