Register.
Hernacher uolgt das Register, welchs alle Gewheren, wie die in disem kůnst fechtbuch nacheinander gerichtet worden seind, Inn sich haltend. U
·1· Das schwert ist das uralt haůbtstůck, darinnen aůch beỷ Jůden, haiden, unnd Christenn, uil Ritterliche ůbůng, gehalten worden, Unnd noch heůttigis tags die maisterschafft dar., rinnen probiert wirt. Inn welichem ·12 stend, mit allerlay abwechßlůng, brůchenn unnd hãŵ, nach dem Kůnstlichisten, mit Possen unnd schrifften begriffen seind,
·2· Der Tůssegk, welchen die alten messer genant haben, Unnd sich das redlich Uolck die Spartaner dessen uast gebraůcht, unnd dardůrch grosse Eer eingelegt haben, hat schriftlich und mitt possen ·44· stend in sich halten.,
·3· Das Stenglin hat seinen ursprůng uon den Rỏmern unnd Persiern, wirt an stat der scheftlin gebraůcht, hat gar gůtter stend ·22· Inn Im begriffen,
·4· Der lang spieß, der Zeit ein pråchtlich fechten, aber an den Jarn nicht uast alt, hat in Im mit seinem stůcken · Stend.,
·5· Die hellenbarn gar ein alte wher, haben die kriegßweiber, so man Amazones genent hat, erstlich erfůnden, Ist mit ·20· gůtten stenden beschriben unnd possiert worden,
·6· Es haben die alten ein kůnst des fechtens mit der Segenß gehalten, hat aůch sein besondere uer,,satʒůng unnd uortail, hat · · Stend In Ir wie gesehen wirt,
·7· Noch ist ein alte gewher, welche die Sarmati · Hůnos, unnd andere uỏlcker, uor Jarn gebraůchtt haben, der Drischel genant, helt in Im ·8· stůck begriffen,
·8· Die Baůrnstang ist ein gewher in der not, Nicht das ainer dardůrch das leben uerliere, aber ʒů ainer gegenwher trostlich, helt in Ir ·8· stůck,
·9· Item wher wider wher, als da ainer den andern etwan angewarnet, oder onůersehens ůbereilt, gar ernstlich unnd gůt, helt In Im ·12· Stůck,
·10· Deßgleichen Inn der Sichel aůch, Weliches fechtenn bis Inn ·16· Stůck mit sich bringet,
