Page:Cod.10825 015av.png

·11· Der Tolch hat seinen ursprůng uon den urallten Teůtschen, wirt aůch in dem gesatʒ Hermanni der Teůtschen künig, pfriemen genant, Unnd ist in der not ein ernstliche wher, můß ainen kecken unerschrocknen mann haben, hat uil uortails, so ʒů der erhaltůng des lebens dienet, Inn sich, Diser Stůckh seind      wie sie dann nacheinander uolgen,

·12· Aůs dem Tolchen kůmbt das Ringen, unnd werden uast mit unnd důrcheinander geregiertt und gelernet, Sůmma, Es seind gewhern unnd stůck, die ein grossen ernst in sich haben, unnd den Mann gar bald dem sig oder den tod fůrdern, Diser Ringenstůck seind ·1

·13· Item der kampff mit der Růndeln, uast aůff welsche moniere mitt dem Rappier, helt Inn, Stend     ,.

·14· Die Mordagst ist aůch gleicherweiß uon dem uorbemelten Amazones erfůnden unnd gebraůcht worden, unnd ist ein wůnder ʒů hỏren, Das soliche ʒwo ernstliche gewohern, uon dem weiplich Stammen, Iren anfang haben sollen, unnd were můr aůch schier ʒweiffelhafftig ʒůglaůben, wa nit Auentinius, unnd andere mer, so glaůbhafftig daůon geschriben hetten, Dise Mordagst helt in Ir ernstliche Stůck ·16·

·15· Noch seind etliche gůtte Stůck, die den kampff betreffe, unnd grosse Mannhait anʒaigenn, Erstlich ist der kampff ʒů Roß, helt in sich ·7 · Stůck gar kunstlich,

·16· Dergleichen wirt der kampff mit der schneidenden Tartschen unnd Spieß, Inn ·16· stůcke herfůrgethan,

·17· Der kampff im harnasch ʒůfůß, hat ·86· Stend,