Das ist eyne gemeyne lere des swertes
WIltu kunst schawen ·
sich link gen vnd recht mete hawen ·
Vnd link mit rechten
is das du stark gerest fechten ·
Wer noch get hewen ·
der darf sich kunst kleyne frewen ·
haw nu was du wilt ·
keyn wechsler kawm an dich schild † /
Czu koppe czu leibe ·
dy czecken do nicht vormeide /
Mit ganczem leiben ·
ficht was du stark gerest treiben /
Höer was do slecht ist ·
ficht nicht oben link zo du recht pist /
Vnd ob du link pist ·
ym rechten auch sere hinkest /
So vicht io liber ·
von oben rechtlinkischen nider /
Vor · noch · dy czwey dink ·
syn allen kunsten eyn orsprink /
Swach · vnde · sterke ·
Indes · das wort mete merke /
So machstu lere~ ·
mit / vnd erb / kunst vnd erbeit dich weren /
Irschrikstu gerne ·
key~ fechte~ nym~er lerne /
Kunheit vnd rischeit ·
vorsichtikeit list vnd klugheit†† /
Wil fechten haben ·
vnd frölichs gemüte tragen
^† Haw nicht czu~ swerte /
zonder / stets der bloße warte /
¶ Glosa gn°alis hui9 seq°r /
¶ Von allererste~ merke vnd wisse / das der ort des swertes ist das czentru~ vnd das mittel vnd der kern des swertes aus deme alle gefechte gen / vnd weder / yn in komen · So sint dy hengen / vnd dy winden / synt dy anhenge vnd dy vmlewfe des czentru~s vnd des kerns
^†† Vornu~ft verborge~heit /
moße bevorbetrachtu~ge / hobsheit /fetikeit /
