Page:Cod.44.A.8 056v.jpg

M·erck wenn du In an velst mit ringen vnd er dich wider So sich aber ein fues hat für gesetzt oder nicht Hat er denn kainen vor So ruck yn zw° dir oder stos yn von dir so mues er für treten Schreitt er dann vor mit dem lincken fuess so spring pald mit dem rechtñ fuess hynder seinen lincken vnd peug dein rechstz h knÿe vnd druck yn do mit hinden in sein lincke knÿckel vnd ruck yn mit paiden henden dar vber

Ein Ander Ringen

Wenn dw Im springst mit dem rechten fuess hinder sein lincken So schreit mit dem linckñ fuess hin nach zwischen seinew paide fuess vnd fass sein lincks knÿe zwischen deine paide knÿe vnd haldes do mit vest vnd stos yn mit der lincken hannt voren an die hauben vnd mit der rechten zeuch yn hÿnden auff die seitten So feltt er

Ein ander ringen

Merck wenn dw In fast mit ringen vnd er dich wider Stet er denn mit dem lincken fuess vor So spring mit dem rechten voren für sein paide füess vnd var Im mit dem rechten arm~ vnder seine lincken durch hinden vmb den leib vnd fass yn also auff die rechten hüff vnd würff ÿn fur dich Oder stet er mit dem rechten fuess vor So spring mit dem lincken für sein paide füess vnd var ÿm mit dem lincken arm~ hinden vmb den leib vnd wurff ÿn für dich vber dein lincke/ _/hüff