gen in ain Kniebügen.
Aber ein Rinngen.
Item fasst dich ainer hinnden bej der gürtel , so sennk dich nider , vnnd wann er dich erhebt , so wende dich vmb , vnndter ime , vnnd wirf ine über ruck.
Aber ein Rinngen.
Item Gee mit der rechten hannd durch . unnd schlag ine oberhalb der hüfft . in der waich . unnd farr mit der linnggen hannd oben über sein rechte achsel . unnd schlag dann dein rechte hannd un[d] gelenngk . und halt fesst . unnd hebe ine auf . unnd mit deinem rechten knie . erheb ine sein linngges knie . unnd wirf ine für dich.
Aber ein Rinngen.
Item begreif ime sein rechte hannd mit deinen beden hennden , vnnd zuck ine auf die rechte seitten , mit deine[n] rechten fusse , hinndter seinen rechten , vnnd fare ime mit dem rechten arm , im sein linngge seitten , vnd wirf ime über sein rechte hüfft.
