Page:Cod.10826 093v.png

Aber ains.

Item Wann dir ainer mit seinen beden hennden oder armen , will faren , vnndter deine bede arme , so fare von oben mit deinen beden armen , aussen vnndter seinen elenbogen , vnnd schleuß deine arm zusammmen vnndter seinen elenbogen , vnd hebt mit sterck über sich vnd brich ime die arm. ~Auch magst du im fallen in die keelen vnnd zuruck drucken.

Aber ain Rinngen.

Item wann du unnden bist mit den Armen. So magstu ine oben fassen bei der keelen. oder bei dem kinbacken. und ime den hals wol überruck brechen. Aber du must wol mit den armen. durch sein arm farn.

Aber ains.

Item bistu mit dem linnggen arm vnnden , so fall Ime mit der rechten In die keelen , vnnd schreit mit dem linnggen fuße , hinndter seinen rechten , vnnd druck ine über bej dem hallß , So muß er fallen , oder wirf ine auß dem fuß zu beden seitten.

Ein hinndters übergreiffen.

Item Ob er dich dahinnden übergrefft. über die achsel